Украина-Ресей қақтығысы теңге бағамын құлдыратты. Биржадағы соңғы деректер
Ұлттық банкі базалық ставканы 13,5%-ға дейін көтерді
«Қазақстан Республикасы Ұлттық Банкінің Ақша-кредит саясаты жөніндегі комитеті базалық мөлшерлемені +/-1,00 п.т. пайыздық дәлізімен 13,5% деңгейінде белгілеу туралы кезектен тыс шешім қабылдады. Шешім 2022 жылғы 24 ақпанда күшіне енеді» делінген ҚР Ұлттық банкі таратқан хабарламада. ҚР Ұлттық банкі бұл шешімге қатысты кейінірек толық мәлімет тарататынын мәлемдеді.
Дегенмен, қаржы сарапшыларының пікірінше, бұған Ресей мен Украина арасындағы қақтығыс, геосаяси жағдай ықпал етіп отыр. Қор биржасында соңғы дерекке сәйкес 1 АҚШ доллары 467,31 теңге болды. Сауда саттық көлемі 171,1млн
Ал, Еуро бойынша бүгін сауда-саттық жүргізілмеген.
Ресей рублі 5,51 теңге болды, жалпы көлемі 26,5 млн
Қытай юані 72,42 теңгеге көтерілді. Оның көлемі 4 млн болды.
Photo by NUR.KZ
